سید احمد شہید اکیڈمی -تعارف اور اغراض ومقاصد

دائرہ شاہ علم اللہؒ (تکیہ کلاں رائے بریلی) کی بستی بڑی مردم خیز بستی رہی ہے، یہاں مختلف زمانوں میں بڑے بڑے علماء مشائخ اور مصلحین و مجددین پیدا ہوئے، اسی سرزمین سے حضرت سید احمد شہیدؒ نے تحریک اصلاح و جہاد بلند کی، جس کے نتیجہ میں بقول حضرت مولانا حسین احمد مدنیؒ ہندوستان میں مسلمان اپنے دین و شریعت کے ساتھ باقی رہے۔ اس اخیر دور میں اسی بستی میں امام العصر حضرت مولانا سید ابوالحسن علی ندویؒ جیسی شخصیت پیدا ہوئی، جن کے اصلاحی و تجدیدی کارناموں کا دائرہ بڑا وسیع اور ہمہ گیر ہے۔